Heimasíða Fljótsdalshrepps
Tilkynningar >>

Velkomin á heimasíðu Fljótsdalshrepps.

Sveitarfélagið hefur nú eignast miðil sem hentar vel til upplýsinga og ýmissa samskipta við íbúa.

Síðuhönnuður er Fljótsdælingurinn, Elfar Þórarinsson frá Víðivöllum ytri 2, sem dvelst við nám í Danmörku.

Heimasíðan er enn í nokkurri mótun og er ætlað að þróast, eftir því sem íbúar og aðrir notendur síðunnar telja til framfara.

Á síðunni nú er t.d. hægt að sjá hverjir eru kjörnir í sveitarstjórn og nefndir og lesa fundargerðir.

Upplýsingar eru um skrifstofu sveitarfélagsins og tengingar á heimasíður ýmissa félaga og stofnana sem sveitarfélagið er aðili að.

Samþykktir og skipulög sveitarfélagsins verða aðgengilegar á heimasíðunnni, sem og gjaldskrár og eyðublöð.

Þá verður heimasíðan notuð til miðlunar á upplýsingum um viðburði og annað sem koma þarf á framfæri við íbúa og aðra notendur.

Á síðunni er myndasíða með myndum úr Fljótsdal.

Umræðutorgið á að nýtast til almennra samskipta , þar geta íbúar og aðrir komið skoðunum sínum á framfæri, nú eða bara sent inn góða brandara. Öll umræða verður á ábyrgð viðkomandi.

Það er ósk okkar sem að hönnun og tilveru heimasíðunnar hafa komið, að hún nýtist Fljótsdælingum vel, verði lifandi og aðgengileg.

Með bestu kveðju,

Gunnþórunn Ingólfsdóttir oddviti