Umhverfisdagar í Fljótsdal

Umhverfisdagar Fljótsdals – Viðburður verknámsnema

Við upphaf verknáms míns, við Austurbrú og Fagrar framtíðar í Fljótsdal, var lögð fram sú hugmynd að Svavar Knútur kæmi til okkar inn í Fljótsdal og myndi halda með okkur kvöldvöku, einnig myndi hann standa fyrir námskeiði ætlað börnum sem hefðu áhuga á kvæðum og/eða lagasmíðum. Því miður er staðan svo að fresta þurfi heimsókninni en hann kemur vonandi síðar.

Við þessar breytingar þurfti snarar hendur því verknámstíminn er takmarkaður. Ég hef haft sem hliðarverkefni að rýna umhverfis- og loftslagsstefnu sveitarfélagsins og var því tilvalið að stefna að einhverju því tengt. Úr varð hugmyndin Umhverfisdagar Fljótsdals.

Dagskrá:

  • 12. apríl  - Cittaslow kynning: Gréta Mjöll kynnti fyrir okkur Hæglætishreyfinguna Cittaslow, en Djúpivogur hefur verið hluti af hreyfingunni síðan 2013. Cittaslow hreyfingin hefur það markmið að auka lífsgæði og ánægju fólks og eru stefnumið Cittaslow til að ná því markmiði til dæmis, verndun náttúru og menningarminja, fegrun umhverfis, umhverfisgæði og stuðla að menningarlegri fjölbreytni og sérstöðu.
  • 17.-18. apríl - Njótum umhverfisins, sem aðra daga: Íbúar eru hvattir til að njóta umhverfisins til dæmis með góðum göngutúr og deila myndum af fallegu umhverfi Fljótsdals með til dæmis #fljotsdalur á Instagram eða inn á facebook síður fljótsdælinga. Á instagram má finna ótrúlega skemmtilegar myndir úr sveitarfélaginu frá heimamönnum og gestum. Íbúar eru einnig hvattir til að tilkynna það sem betur mætti fara á vefinn https://urbotaganga.is/baejarfelag/fljotsdalur/ eða hafa samaband við Ásdísi Helgu asdishelga@fljotsdalur.is / s: 470-3810
  • 21. apríl - Yggdrasill Carbon: Kynning á þróunarstarfi tengdum kolefnisfjármálum, minnkun losunar eða bindingu kolefnis. Verkefnið er unnið fyrir Yggdrasil Carbon sem hefur unnið í góðu samstarfi/samtali við til dæmis Skógræktina og Kolefnisbrúna.
  • 20.- 21. apríl - Plokkum Fljótsdal: Íbúar verða hvattir til að hreinsa nærumhverfi sitt og losa sig við rusl. Ekki er gert ráð fyrir að íbúar taki tvo heila daga í plokkun, dagarnir eru aðeins viðmið. Margt smátt gerir eitt stórt. Höldum við því góða orðspori sem fylgir dalnum. #plokkumfljotsdal.
  • 19.-24. apríl - Rýnihópar: Umhverfis- og loftslagsstefna verður rýnd af fulltrúm sveitarstjórnar og íbúa.

 

*Ítralegri upplýsingar um viðburði verða gefnar út á facebook síðunni Fögur framtíð í Fljótsdal.

 

Bestu kveðjur og þakkir fyrir frábærar móttökur í dalinn fagra.

Sylvía Helgadóttir

Opið er fyrir umsóknir um umhverfisstyrk Fljótsdalshrepps

Einstaklingar og félög sem eiga lögheimili í Fljótsdalshreppi geta fengið úthlutað umhverfisstyrk Fljótsdalshrepps. Jafnframt þurfa tilgreind félög að vera með starfsemi sína í sveitarfélaginu. Áskilið er að umsækjandi hafi átt lögheimili í sveitarfélaginu í minnst undangengna tólf mánuði samfleytt á móttökudegi umsóknar og lögheimilisfestan sé einnig til staðar og hafi verið óslitin þegar kemur að útgreiðslu umhverfisstyrks.

Sveitarstjórn er heimilt að veita umhverfisstyrk Fljótsdalshrepps til verkefna sem uppfylla eftirtalin skilyrði:

1. Framkvæmdir sem til þess eru fallnar að bæta umhverfismál innan sveitarfélagsmarka Fljótsdalshrepps.

2. Framkvæmdir sem eru til þess fallnar að draga úr orkunotkun, mengun, losun gróðurhúsalofttegunda og/eða er ætlað að bæta fyrir orkunotkun, mengun og/eða losun innan sveitarfélagsmarka Fljótsdalshrepps.

3. Framkvæmdir sem bæta ástand og útlit jarða og mannvirkja innan sveitarfélagsmarka Fljótsdalshrepps þ.m.t. vatns- og fráveitu viðkomandi eigna.

4. Framkvæmdir sem eru sambærilegar þeim sem taldar eru upp í töluliðum 1. – 3. 3. gr.

Finna má umsóknareyðublað undir Umsóknir/Eyðublöð á þessari heimasíðu. Umsóknafrestur er til loka apríl. 

Breyting á aðalskipulagi Fljótsdalshrepps 2014-2030

Auglýsing:  Fljótsdalshreppur 6. apríl 2021

Breyting á Aðalskipulagi Fljótsdalshrepps 2014-2030

Efnistökusvæði við Grjótá

 

Sveitarstjórn Fljótsdalshrepps samþykkti á fundi sínum 2. mars 2021 tillögu að óverulegri breytingu á Aðalskipulagi Fljótsdalshrepps 2014-2030 samkvæmt 2. mgr. 36. gr. skipulagslaga nr. 123/2010.

 Breytingin felst í því að skilgreint er nýtt efnistökusvæði við Grjótá vegna áforma um lagfæringu á vegslóðum að veitumannvirkjum Hraunaveitu Kárahnjúkavirkjunar.  Í gildandi aðalskipulagi er svæðið skilgreint sem óbyggt svæði. Greinargerð með rökstuðningi er á uppdrætti dags 6. apríl 2021 í mkv. 1:30.000.

 Breytingin hefur verið send Skipulagsstofnun til staðfestingar. Þeir sem óska nánari upplýsinga geta snúið sér til skipulagsfulltrúa Fljótsdalshrepps.

f.h. sveitarstjórnar Fljótdalshrepps
Sveinn Þórarinsson, skipulagsfulltrúi

.

 

 

 

Boðað er til 59. fundar sveitarstjórnar 6. apríl kl 13:30

  1. fundur sveitarstjórnar Fljótsdalshrepps, Végarði 6.4. 2021, kl. 13:30

Dagskrá:

  1. Ársreikningur Fljótsdalshrepps 2020 fyrri umræða. Sigurður Álfgeir Sigurðsson
  2. Fjárhagsáætlun og viðauki um þjónustuhús við Hengifoss. Sigurður Álfgeir Sigurðarson
  3. Kröfur Óbyggðanefnar
  4. Tilboð í lagfæringu á vefsíðu
  5. Þjónustusamningur við Gunnarsstofnun
  6. Samningur um raforkusölu
  7. Vegaslóðar í Fljótsdal.
  8.  Fundargerðir:.
    1. Stjórn sambands Íslenskra sveitarfélaga 895 fundargerð
    2. Stjórn sambands Íslenskra sveitarfélaga 896 fundargerð
    3. Stjórn samtaka orkusveitarfélaga 45. Fundargerð
    4. Aðalfundur Ársala
    5. Stjórnarfundur Ársala 37.
    6. Stjórnarfundur Ársala 38.
    7. Ferðamálanefnd Fljótsdalshrepps fundargerð dags. 24.3.2021
    8. Byggingarnefnd fundur dags. 26.3.2021
    9. Fundargerð Samfélagssjóðs Fljótsdals
  9. Ársalir ársreikningar 2020
  10. Erindi um vegi frá Steinunni H. Ingimarsdóttur
  11. Áskorun um endurálagningu stöðuleyfisgjalda
  12. Skýrsla sveitarstjóra
  13. Önnur mál

Oddviti Fljótsdalshrepps

Jóhann F. Þórhallsson

Vefsíðan okkar notar kökur til að bæta þína upplifun af vefnum. Lesa má persónuverndarstefnu Fljótsdalshrepps með því að smella hér.