Samfélagssjóður Fljótsdals stofnaður !

Fögur framtíð í Fljótsdal er samfélagsverkefni sem stofnað var til með samfélagsþingi síðastliðið vor. Eitt af áhersluverkefnum eftir það þing var að hvetja Fljótsdalshrepp til að stofna verkefnasjóð til stuðnings nýsköpunar, menningar og atvinnuskapandi verkefnum í Fljótsdal. Skipulagsskrá sjóðsins hefur nú verið staðfest og ber sjóðurinn nafnið Samfélagssjóður Fljótsdals. 

Fljótsdalur er einstakur. Landslag er fjölbreytt og stórbrotið með fögrum fossum á borð við Hengifoss, Strútsfoss og Kirkjufoss, klettabeltum og Tröllkonuhlaupi, viðurkenndu Ramsar votlendi á borð við Eyjabakka og austurgátt Vatnajökulþjóðgarðs. Blómlegt ræktarland og skógi vaxnar hlíðar einkenna líka dalinn sem gefa af sér einstakar afurðir; fóður, matvæli og byggingarefnivið. 

Helstu atvinnugreinar Fljótsdals eru ferðaþjónusta en tugþúsundir ferðamanna og útivistarfólks heimsækja dalinn á hverju ári. Ýmis fyrirtæki þjónusta ferðamanninn, s.s. Snæfellsstofa, Skriðuklaustur, Klausturkaffi, Hengifoss guesthouse, Óbyggðasetrið og Laugafell, svo einhver séu nefnd. Iðnaður skipar stóran sess en Fljótsdalsstöð Landsvirkjunar er einn fjölmennasti vinnustaðurinn í Fljótsdal. Sauðfjárrækt er megingrein landbúnaðar og búin eru töluvert mörg. Dilkakjötið er rómað fyrir einstakt villibragð en auk þess eru unnar afurðir úr sauðamjólk. Vel hefur líka verið tekið í afurðir úr skóginum og má finna húspanill, pallaefni og parket frá Fljótsdal í byggingum á Fljótsdalshéraði, höfuðborgarsvæðinu og víðar. 

Tækifæri til nýsköpunar og atvinnuskapandi verkefna byggja því að fjölþættum grunni. Með Samfélagsjóðnum opnast styrktækifæri, ekki bara fyrir Fljótsdælinga, heldur alla einstaklinga, fyrirtækja eða stofnanir sem vilja byggja upp og styðja við þá paradís sem Fljótsdalurinn er. Við fyrstu úthlutun sjóðsins verður allt að 12 milljónum króna veitt í styrki. Umsóknarfrestur rennur út á miðnætti þann 30. apríl 2020.

Allar nánari upplýsingar um Samfélagssjóð Fljótsdals má finna á heimasíðu Fljótsdalshrepps (fljotsdalur.is) en jafnframt er hægt að leita til verkefnastjóra Fagrar framtíðar í Fljótsdal, Ásdísar Helgu Bjarnadóttur hjá Austurbrú, á netfangið asdis@austurbru.is eða í síma 470 3800/470 3810.

Sveitarstjórnarfundur, Végarði, 07.04 2020, kl. 13:30

Dagskrá

  1. Hjarðaból
  2. Gunnarsstofnun
  3. Hengifoss

     Synjun umsóknar um styrk úr Framkvæmdasjóði Ferðamannastaða dags. 11.03 20204.

  4. Tilnefning stjórnarmanns í stjórn Skógarafurða ehf

   5. Ársreikningur Fljótsdalshrepps 2019, fyrri umræða

   6. Fjallskilasamþykkt  fyrir sveitarfélög á starfssvæði SSSA

   7. Viðarkynding í Végarði

   8. Sýslumaðurinn  á Austurlandi dags. 16.03 2020

      Ósk  um umsögn útgáfu rekstarleyfis veitingastaðar í flokki II

   9. Aðgerðir vegna COVID 19

   10. Eftirlitsnefnd með fjármálum sveitarfélaga

         3 bréf dags. 10.02 2020

         Minnisblað Kristins Bjarnasonar lögmanns

   11. Fjallaskálar: Fjallaskarð og Hrakströnd

   12. Bréf

       Styrktarsjóður EBÍ 2020, dags. 16.03 2020

       Umhverfis-og auðlindaráðuneytið dags. 06.03 2020

       Sveinn Ingimarsson, tölvupóstur 01.04 2020

    13. Fjárbeiðnir

         Krabbameinsfélag Íslands, Mottumars

         SSÁ

   14. Fundargerðir

      Almannavarnarnefnd Austurlands 17.02-02.03-09.03-16.03-23.03-30.03 2020
      Samfélagsnefnd 26.03 2020
      Húsnefnd Végarðs 20.03 2020
     Ferðamálanefnd Fljótsdalshrepps 04.03 2020
     Héraðsskjalasafn Austfirðinga 24.02 2020
     Aðalfundur Ársala bs 10.03 2020
     Stjórnarfundur Ársala bs 10.03 2020
    Svæðisráð austursvæðis Vatnajökulsþjóðgarðs 10.03 2020

  15. Skýrsla framkvæmdastjóra

   16. Önnur mál

Oddviti Fljótsdalshrepps

Jóhann F. Þórhallsson

Samvinna eftir skilnað – barnanna vegna

Í dag mun Ásmundur Einar Daðason, félags- og barnamálaráðherra opna rafrænan vettvang um sérðhæfða skilnaðarráðgjöf. Eins og kunnugt er hefur hann gert samning við danska fyrirtækið SES (Samarbejde efter Skilsmisse) vegna tilraunaverkefnis 2020 um innleiðingu sérhæfðrar skilnaðarráðgjafar í félagsþjónustu til foreldra á Íslandi. Verkefnið er unnið að danskri fyrirmynd og byggir efnið á nýjustu þekkingu, sem byggir á bæði rannsóknum fræðimanna og reynslu fagfólks. Nýjar danskar rannsóknir benda til verulegs ávinnings af því að nota þessa rafrænu fræðslu, auk ráðgjafar og námskeiðshalds fagfólks hjá sveitarfélögunum.

Lesa meira

Vefsíðan okkar notar kökur til að bæta þína upplifun af vefnum. Lesa má persónuverndarstefnu Fljótsdalshrepps með því að smella hér.