Samfélagssjóður Fljótsdals

Fögur framtíð í Fljótsdal er samfélagsverkefni sem stofnað var til með samfélagsþingi vorið 2019. Eitt af áhersluverkefnum eftir það þing var að hvetja Fljótsdalshrepp til að stofna verkefnasjóð til stuðnings nýsköpunar, menningar og atvinnuskapandi verkefnum í Fljótsdal. Skipulagsskrá sjóðsins var staðfest í apríl 2020 ber sjóðurinn nafnið Samfélagssjóður Fljótsdals. 

Með Samfélagsjóðnum opnast styrktækifæri, ekki bara fyrir Fljótsdælinga, heldur alla einstaklinga, félög og lögaðila  sem vilja byggja upp og styðja við þá paradís sem Fljótsdalurinn er. Áætlað er að úthluta um 12 milljónir króna árlega í verkefnastyrki er falla að markmiðum sjóðsins. Opnað verður næst fyrir umsóknir um 20. janúar 2021 en umsóknafrestur verður til 17. febrúar 2021.

Allar nánari upplýsingar um sjóðinn má finna hér neðar, þ.e. stofnskrá sjóðsins, úthlutunarreglur og áherslur. Einnig er hægt að leita til  verkefnastjóra Fagrar framtíðar í Fljótsdal, Ásdísar Helgu Bjarnadóttur hjá Austurbrú, vegna aðstoðar við umsóknir á netfangið asdis@austurbru.is eða í síma 470 3800/470 3810.


Stjórnarfundargerðir

Vefsíðan okkar notar kökur til að bæta þína upplifun af vefnum. Lesa má persónuverndarstefnu Fljótsdalshrepps með því að smella hér.