Framtíðin í Fljótsdalshreppi, nýtt deiliskipulag

Fljótsdalshreppur vinnur markvisst að því að bjóða upp á fjölbreytta og aðlaðandi búsetukosti fyrir þá sem vilja setjast að í hreppnum. Með nýju deiliskipulagi stígum við mikilvægt skref í átt að því markmiði – að mæta vaxandi eftirspurn eftir íbúðarhúsnæði og skapa hagstæð skilyrði fyrir öflugt atvinnu- og mannlíf.

Atvinnustarfsemi í sveitarfélaginu hefur verið í örum vexti, sérstaklega á sviði ferðaþjónustu, úrvinnslu skógarafurða og orkuvinnslu. Þessi þróun kallar á nýtt húsnæði fyrir starfsfólk og fjölskyldur þeirra – og við viljum tryggja að Fljótsdalshreppur sé fýsilegur og eftirsóknarverður búsetukostur til framtíðar.